نكت جامدة جدا من اخوك عبدالله حشمت

مسطول بيقولوا له تصور فى الصين عندهم مولود كل دقيقة ،
.
.
قال لهم صح هوه ده التقدم ,

.......

.

.

.

.

مش احنا كل 9 شهور
ــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــ
كلام المعاكسات بعد الثورة

أنا مش بتاع “فترات انتقالية”.. أنا بتاع استقرار يا جميل

عاوزين نعتمد على نفسنا ونبنى بيتنا بيت بيت زنجة زنجة

الحب الحب … مولوتوف مولوتوف

اموت في الشفافيه

واحشني و حظر التجوال حايشني

خدي الاجنده ونسمي بنتنا شاهنده

الجميل تحرير ولا رد الجميل

تحرير ولا مصطفى محمود يا قطة

الشعب يريد رقم تليفونك

احنا أسفين يا مزه

تيجي نلعب امن دولة ومواطنة اتقفشت بتوزع منشورات

مفيش عنصر هيقدر يندس ما بيننا

بحبك حب شفيق للبلوفر

وشرف رئيس الوزراء.. إنتي مـزه

عاوزك في حوار وطني !

والحلو بقى حيّ ولا مطاطي ؟

ده إنتي تقولي للريس قوم و أنا أقعد مطرحك

نفسي ايدي و ايد ابوكي تبقي ايد واحدة

أموت في الانفلات الأمني

يا انسه يا انسه أنا مش بعاكس والله بس ممكن تدينى رقمك القومى؟

أنتي دمك خفيف قذافيييي

أبويا معتقل وأمي في التحرير والبيت فاضي

الجميل من هنا ولا مرتزقه؟

ياتري الجميل عنده ملف

ياما نفسي نكون قريبين من بعض زي الهلال والصليب

ما تفكي الحظر شوية

ﻃﻮﻝ ﻣﺎ ﺍﻧﺘﻰ ﻻﺑﺴﻪ ﻟﺒﺲ ﺍﻟﺸﺘﺎ ﻓﻲ ﺍﻟﺼﻴﻒ ﻋﻤﺮﻧﺎ ﻣﺎحنحاكم ﺻﻔﻮﺕ ﺍﻟﺸﺮﻳﻒ

جمالك ذي المطاط ضيعلي عنية

هو احنا حنقضيها أخلاق ميدان ولا إيه؟
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــ
خيل قال لابنه لو نجحت الترم ده هجبلك كوره فالواد نجح قال له لو نجحت التيرم الجاى هنفخهالك
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــ
اينشتاين مسافر فالطايره قعد جنب واحد مصري

اينشتاين قال للمصري: هسألك سؤال لو معرفتش تجاوب عليه تديني 5 دولار وانت تسألني سؤال ولو أنا معرفتش أجاوب هديك 500 دولار المصري وافق

اينشتاين:ايه سر الجاذبيه الأرضيه؟
......
المصري طلع 5 دولار وادهاله

المصري:ايه الشئ اللي بيطلع الجبل ب3 رجول وينزل برجل واحده؟

اينشتاين قعد يفكر معرفش راح ادى المصري ال 500 دولار راح اينشتاين سأله ايه بقا الشئ ده
.
.
.
.
.
.

راح المصري طلع 5 دولار وادهاله
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــ
واحد فتح حديقه حيوانات ع اعلي مستوي وعمل التذكره ب50 ج
ولا واحد دخلها
فخلاها ب10ج
برضو محدش دخلها
فخلي الدخول مجانا فالناس كلها دخلت
راح فتح باب الاسد وقفل باب الحديقه
وعلق لافته ......

" الخروج بألف جنيه يا كلاب "
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــ
أمريــكي ســـأل واحد صعيدي : بتعرف تعوم ؟؟

الصعيدي : لا ما بعــرفش ..

الأمريــــكي : اذاً الكلــب أفضل منك لأنه بيعرف يعوم !
...
ســأل الصعيدي الامريـــكي : أنت بتعــرف تعوم ؟؟

قـال الامريـــكي : نعم أعرف أعوم .

قــال الصعيدي : إذاً ما فيش فرق بينك وبين الكلب
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ههههههههههههههههه
هههههههههههههههههههههههههههههههههههه
الف شكر روعة
دئما مبدع

يسعدنى ان اضيف نكت ما بعد الثورة



الجيش مسك واحد ماشي في الشارع بعد حظر التجول وسألوه: انت ليه انتهكت حظر التجول؟
قال لهم: أصل أنا عندي تجول لا إرادي!

عاجل: المتظاهرون في ميدان التحرير قرروا الإبقاء علي الاعتصام مفتوح ويطالبون بتنحي
الرئيس أوباما



من ميدان التحرير إلي الإخوة الأشقاء العرب، في حد مضايقكم تاني نخلعه قبل ما نترك الميدان؟

بيان رقم 4 للقوات المسلحة ... الرئيس مبارك لم يتنح ودي كانت اشتغالة ويهيب المجلس
الأعلي بالمتظاهرين في التحرير التحلي بروح الدعابة قائلا لهم " لو تحبوا نذيع هنذيع.


بيقولوا مبارك كان معجب بالملك فاروق.. وما صدق عبد الناصر والسادات مشيوا وكان
هيرجعها تاني ملكية.

اجتماع طارئ للفيفا لتحديد موعد المباراة المصيرية التي تجمع مصر وتونس في النهائي.


نكتة الموسم من ميدان التحرير: إنت زعلت مننا يا ريّس! إحنا كنا بنهزّر معاك .. طب مش
هانمشي إلا لما ترجع

رسالة من الرئيس المخلوع الي مصر الحبيبة
:اعتزازي للي هييجي بعدي، خليه يسامحني اصل
انا اخدت كل حاجه في عهدي و شوفي عهدي
كان كام سنة.

قرر مبارك الترشح لرئاسة تونس وملايين التونسيين يطالبون بعودة بن علي للحكم.

نكتة الأحداث الأخيرة: أحمد عز والبرادعي
ومرشد الاخوان راكبين ميكروباص، قام أحمد عز
قال:أنا لما باخطب في المجلس بيسقفلي ربع مليون،
قام مرشد الاخوان قال:أنا لما باخطب في
الجامع بيسقفلي نص مليون، قام البرادعي
قال:أنا لما باخطب في الناس بيسقفلي مليون، راح
سواق الميكروباص قايل:وأنا لو قلبت بيكم العربية
هيسقفلي 80 مليون.

الرئيس حسني مبارك من الطيارة قرر يرمي
100 جنيه يفرح بها عائلة مصرية، قالت زوجته:
خليهم خمسينتين وفرح عائلتين، قال ابنه: خليهم
25 وفرح أربع عائلات، قال كابتن الطيارة: يا عم أرم نفسك وفرح 80 مليون مصري.

حسني مبارك يخاطب الناس:
اصبروا يومين جدة فيها فيضانات أروح فين ياناااس

في عيد ميلاد حفيد حسني مبارك .. كل
وزير جابله هدية .. اللي جابله طيارة لعبة ..
واللي جابله مسدس مائي .. حبيب العادلي، وزير
الداخلية، أهداه ثلاث سيارات أمن مركزي وأربع
مخبرين لعبة؟!




مواطن مصري قال لآخر : الرئيس حسني
مبارك خطفوه والفدية 5 مليون دولار، ولو الفدية
ما ادفعتش .. الخاطفين هددوا يدلقوا عليه بنزين
ويحرقوه وأحنا بنجمع تبرعات .. تحب تشارك؟
الرجل سأل: "وفي المتوسط الناس بتتبرع
بكام"..
الرجل الثاني : " من 5 إلي 10 لتر بنزين ؟



عاجل: سيتم انتقال السلطة بشكل سلمي
وجدول زمني محدد الجدول هو : الرئيس يحكم
أحد وثلاثاء وخميس .. عمر سليمان سبت واثنين
وأربعاء ويوم الجمعة مرة شفيق ومرة الجيش إلي
يصحي الأول.



بيقولك الشباب في التحرير مختلف مع بعض
علشان فيه ناس معاها أجندات 2010 وناس
2011، ده غير الاخوان اللي معاهم أجندات
بالتقويم الهجري.

خـــبـر عاجل:
الـــريــس: إيه الأخبار يا عمر؟
قال له: كله تمام يا ريس.
بعنا المصانع وبعنا الشركات وهربنا الاثار
وحولنا الفلوس بره. ومش فاضل غير الشعب.
الـــريــس: كويس كده. انقل المسلمين السعودية
و المسيحيين أمريكا و اقــفـل و تعال



بعد جمعة النصر في تونس وجمعة الرحيل
في مصر قرر القذافي بالغاء يوم الجمعة.

رسالة من زين العابدين الي حسني مبارك:
جيب معاك دراع بلاي ستيشن.

الجمعة القادمة هي جمعة ارجع بقي وحشتنا.



عاجل ومؤكد: مبارك يتصل بـ زين العابدين
وقال له :لو هينام بدري يسيب له مفتاح البيت تحت الدواسة.



عاجل جدا :بيان الجمهوري تقرر تغيير كرسي
الرئاسة لـ« كرسي تيفال» علشان ما حدش يلزق فيه.

يعني ايه كوكا زيرو: الشعب مستني خطاب مبارك يقوم أوباما يخطب.

المادة 534 من الدستور :اذا مات الرئيس يتم
تشكيل لجنة لتحضير روحه لإدارة المرحلة
الانتقالية.

- المادة 535 من الدستور: اذا فشل تحضير
روح الرئيس تلغي الدولة ويلغي الدستور وتسرح
القوات المسلحة ويوزع الشعب علي الدول
المجاورة.

سمعت عن شعوب نجحت ثوراتها وشعوب
فشلت ثوراتها وشعوب غيرت وشعوب اتغيرت
وشعوب تقدمت وشعوب فضلت عالم تالت لكن
عمري ما شفت شعب عايز ينهي ثورته علشان
عنده شغل الصبح والعيال عندها مدارس والمرتب
ما نزلش .. المرة الجاية ان شاء الله نعملها لكم
في الصيف.

احب أسأل ضمير كل واحد أعتدي علي تامر
حسني في الميدان ماعندكش اخوات بنات.

الي كل المعترضين علي ميدان التحرير وكل
المتعاطفين مع حسني مبارك واللي بيعتبروه
باباهم ياريت تكتبوا اساميكم في ورقة علشان لما
النظام يتغير حانلمكم في مستعمرة ونمشي عليكم
النظام القديم.

الرئيس الليبي معمر القذافي في لقاء
تليفزيوني قبل قليل: المرأة لازم تاخد حقوقها
سواء كانت ذكر أم أنثي.

بيقولك الراجل بتاع كنتاكي ابودقن بيضا طلع اخوان.

مبارك بعد ما مات قابل السادات
وعبدالناصر سألوه: سم ولا منصة قال فيس
بوك.

المواطن المصري الوحيد الملتزم بقرار حظر
التجول حتي الآن هو حسني مبارك.

رسالة من تلميذ مصري الي ميدان التحرير:
بخصوص الثورة اللي شغاله عنكم لاتنسوا أنها
ستدخل في مادة التاريخ واحنا اللي بنحفظ
فاختصروا من فضلكم

نكت ما بعد الثورة

شكر لكم ياصدقاء
جزاك الله خير
نكت جامدة فعلا

هههههههههههههههههههههه
نكت حلوة كتير

هههههههههههههههههههههه
نكت حلوة كتير

نكت رائعة واصل